Yemen (Halqaran.com) – Allaha u naxariistee waxaa Arbacadii shalay dalka Yemen ku geeriyooday, laaciibkii xulka Kubadda Cagta ee Qaranka Soomaaliyeed iyo kooxdii Horseed Saciid Ducaale.
Marxuum Saciid Ducaale oo 73 jir ahaa ayaa u geeriyooday xanuun in muddo ah hayay. Ka hor inta uusan tagin dalka Yemen, waxa uu muddo ku xanuunsanaa dalka Masar.
Aaska marxuumka ayaa Khamiistii maanta ka dhacay masaajidka Al-ixsaan, ee xaafadda Tawila ee magaalada Cadan, halkaas oo boqolaal muslimiin ah ay kula tukadeen salaadda jinaasada.
Safiirka Soomaaliya ee Sudanta Koonfureed, horeyna u ahaa qunsulkii Soomaalida ee Yemen, Xuseen Xaaji Axmed, oo halkaasi ay isku yaqaaneen Saciid Ducaale ayaa laanta Af Soomaaliga ee VOA-da uga warramaya geerida marxuumka.
Halka hoose ka dhageyso wareysiga Danjire Xuseen Xaaji Axmed:
Xafiiska Wararka Halqaran.com
Halqarannews@gmail.com
