Kismaayo (Halqaran.com) – Madaxweynaha dowlad goboleedka Jubaland Mudane Axmed Maxamed Islaam (Axmed Madoobe), ayaa Xarunta Madaxtooyada ku qaabilay madaxa Hay’ada Socdaalka aduunka ee IOM ee Soomaaliya Frantz celestin .
Kulanka ayaa lagaga hadlay arimaha dib u soo celinta qaxootiga iyo tageerada dadka gudaha dalka ay ku saamaysay abaartii bilo ka hor dalka ku dhufatay iyo sidii xal waara loogu heli lahaa masiibooyinka dabiiciga ah.
Madaxweyne Axmed Madoobe ayaa uga mahadceliyay madaxa Hay’ada Socdaalka adduunka ee IOM ee Soomaaliya booqashada uu ku tegay Kismaayo, isaga oo sheegay inay xoojin doonaan wadashaqeynta ay la leeyihiin Hay’adda IOM.
Ugu dambeyn, dad farabadan oo ka barakacay deegaannada Jubbaland ayaa qaxooti ku ah dalalka Caalamka qaarkood, kuwaas oo qaarkood doonaya inay dalka dib ugu soo laabtaan.
Xafiiska Wararka Halqaran.com
Halqarannews@gmail.com
