Tehran (Halqaran.colm) – Afhayeenka Wasaaradda Arrimaha Dibadda ee Jamhuuriyadda Islaamka Iran, Naasir Kancaani ayaa waxa uu sheegay inay u yeereen Danjiraha dalka Faransiiska u jooga Tehran, Ambassador Nicolas Roche.
Kadib, markii Magazine ama Wargeyska Charlie Hebdo ee ka soo baxa magaalada Paris uu daabacay Sawiro Gacmeed (Cartoons) oo lagu aflagaadeeyey Hoggaamiyaha Sare ee Iran, Ayatullahi Ali Khamanei iyo waxa loogu yeeray Dhaqamada Diinta ee dalkaasi.
U yeerista Danjiraha Faransiiska ayaa waxaa loogu gudbiyey Ashtako xooggan oo ka dhan ah Sawiradaasi iyo inaan loo dulqaadan karin ficiladaasi oo kale.
Afhayeen Naasir Kancaani ayaa waxa uu tilmaamay inaysan marnaba oggolaan doonin Aflagaado kasta oo loo geystay Islaamka iyo Qarankooda iyo Qayimka Diinta.
Waxay aheyd dhawaan, Maamulka Majalada Charlie Hebdo ayaa waxay sheegeen inay soo daabaci doonaan Sawiro ka dhan ah Hoggaamiyaha Sare ee Iran.
Xafiiska Wararka Halqaran.com
Halqarannews@gmail.com
