Garoowe (Halqaran.com) – Wararka ka imaanaya magaalada Garoowe ee xarunta dowlad goboleedka Puntland, ayaa sheegaya, in uu halkaasi gaaray hoggaamiyaha xisbiga Wadajir, Cabdiraxmaan Cabdishakuur Warsame.
Siyaasi Cabdiraxmaan Cabdishakuur iyo Wafdi uu hoggaaminayo ayaa si weyn loogu soo dhaweeyay Caasimadda Puntland ee Garoowe.
Waxaana soo dhaweeyay Guddoomiyaha Gobolka Mudug ee Puntland, Cabdi ladiif Muuse Sanyare, Xildhibaan Fu’aad Abshir iyo Guddoomiyaha ururka Haweenka Mudug Shukri Cabdi Cali.
Hoggaamiyaha Xisbiga Wadajir iyo wafdigiisa ayaa waxaa ay ka soo ambabaxeen Magaalada Gaalkacyo ee Xarunta Gobolka Mudug, iyadoo halkaasi horay uu ugala soo kulmay mas’uuliyiin ka tirsan maamulka Galmudug.
Siyaasi Cabdiraxmaan Cabdishakuur Warsame ayaa maalmihii la soo dhaafay ku sugnaa Magaalada Dhuusamareeb, waxaa uuna halkaasi kulamo kula qaatay qeybaha kala duwan ee Bulshada reer Galmudug.
Xafiiska Wararka Halqaran.com
Halqarannews@gmail.com
