Muqdisho (Halqaran.com) – Guddoonnada labada Aqal ee baarlamaanka Federaalka Jamhuuriyadda Soomaaliya ayaa hambalyo iyo bogaadin u diray guddoonka cusub ee baarlamaanka dowlad goboleedka Galmudug oo Jimcihii maanta lagu doortay magaalada Dhuusamareeb.
Guddoomiyaha Golaha Shacabka ee Baarlamaanka Soomaaliya, mudane Maxamed Mursal Cabdiraxmaan ayaa u hambaleeyay guddoomiye Dr Maxamed Nuur Gacal iyo Ku-xigeenadiisa, isagoo u rajeeyay in eebe uu Ku guuleeyo xilka loo igmaday.
Sidoo kale, mudane Cabdi Xaashi Cabdullaahi gudddoomiyaha Aqalka sare ayaa hambalyo iyo bogaadin u jeediye guddoonka baarlamaanka Galmudug.
Wasiirka Arrimaha gudaha ee Xukuumadda Federaalka ah ee Soomaaliya, mudane Cabdi Maxamed Sabriye ayaa kula dar daarmay guddoonka baarlamaanka Galmudug ee la doortay in si hufan ay u gutaan waajibaadka loo doortay
Waxaa lagu wadaa in maalmaha soo socda la qabto doorashada madaxweynaha Dowlad gobaleedka Galmudug oo ay ku tartamayaan musharraxiin badan.
Xafiiska Wararka Halqaran.com
Halqarannews@gmail.com
