Jowhar (Halqaran.com) – Dr Cabdixakiin Luqmaan Xaaji Maxamed, guddoomiyaha cusub ee Golaha Wakiilada Hirshabeelle oo ay wehliyaan labadiisa ku-xigeen ee Siraaji Shekh Isaaq Cabdulle iyo Mahad Hassan Cusmaan ayaa kulan la qaatay Madaxweyne ku-xigeenka Hirshabeelle Cali Guudlaawe.
Waxaa kulankan looga hadlay dardargalnta iyo dhammeystirka howlaha Horyaalla Golaha iyo Guud ahaan maamulka arrimaha doorashooyinka Hirshabeelle .
Madaxweyne ku-xigeenka Hirshabeelle oo la sheegay in uu kamid yahay musharixiinta Madaxweynaha Hirshabeelle ayaa uga mahadceliyay dadaalkooda ku aadan doorashooyinka Hirshabeelle.
Guddoonka Baarlamaanka dowlad goboleedka Hirshabeelle ayaa Khamiistii shalay Magacaabay Guddiga Guddoonka Baarlamaanka Maamulkaas, kuwaas oo la filayo inay dhawaan shaaciyaan jadwalka doorashada Madaxweynaha Hirshabeelle iyo Ku-xigeenkiisa.
Xafiiska Wararka Halqaran.com
Halqarannews@gmail.com
