Muqdisho (Halqaran.com) – Guddoomiyaha Golaha Shacabka Baarlamaanka 11-aad ee DF Soomaaliya Sheekh Aadan Maxamed Nuur (Madoobe) ayaa Axadda maanta ah kulan la qaatay sii hayaha safaaradda Norway ee dalka Soomaaliya Haakon Svane, iyo wakiilka gaarka ah ee Wasaaradda Arimaha Dibadda ee Norway u qaabilsan Soomaaliya Heidi Elburgi Johansen.
Wakiilada ka socda Norway ayaa salaan iyo hambalyo la wadaagay Guddoonka Golaha Shacabka, sida lagu sheegay Qoraal kooban oo lagu daabacay barta Facebook ee Guddoonka Golaha Shacabka.
Guddoomiye Sheekh Aadan Maxamed Nuur Madoobe ayaa bogaadiyay doorka wakiilada Beesha Caalamku ay ku leeyihiin hannaanka geedi socodka nabada iyo horumarinta Soomaaliya.
Tan iyo markii la doortay guddoomiye Sheekh Aadan Madoobe ayaa waxaa kulamo kala duwan ka wadaa magaalada Muqdisho, wuxuuna horey ula kulmay qaar kamid ah Wakiilada Beesha Caalamka oo uu kala hadlay doorashada Madaxweynaha.
Xafiiska Wararka Halqaran.com
Halqarannews@gmail.com
