Muqdisho (Halqaran.com) – Guddoomiyaha Golaha Shacabka Sheekh Aadan Maxamed Nuur (Aadan Madoobe) ayaa magacaabay Guddi KMG ah oo kasoo talabixiya dhacdadii 07/08/2022 ka dhacday Xarunta Villa Hargeysa xilli ay socotay ansixinta Xukuumadda Ra’iisul Wasaare Xamse Cabdi Barre.
Dhacdada ayaa aheyd gacan ka hadal dhexmaray Xildhibaannada qaar ee Golaha Shacabka, kuwaas oo isku khilaafsanaa habka loo marayo ansixinta Xukuumadda.
War qoraal ah oo ka soo baxay Xafiiska Guddoomiyaha Golaha Shacabka Sheekh Aadan Maxamed Nuur (Madoobe) ayaa lagu Magacaabay Guddi ka kooban 5 Xubnood, waxaana laga sugayaa shaqooyinka kala ah.
Xog aruurinta iyo Wareysiga Xubnaha Golaha Shacabka ee xaadir ku ahaa kulanka iyo cid kasta oo Maalintii Axadda aheyd goobta kulanka ee Villa Hargeysa ku sugneyd.
Diyaarinta Warbixin dhammeystiran oo aadan natiijada kasoo baxda xog aruurinta iyo talo soo jeedinta Guddiga taasi oo uu guddiga ku soo celinyo Guddoomiyaha Golaha Shacabka.
Xoghayaha Golaha Shacabka ayaa waxaa la faray in wixii tasiilaad ah oo ay guddiga u baahdaan in loo fududeeyo.
Xafiiska Wararka Halqaran.com
Halqarannews@gmail.com
