Kismaayo (Halqaran.com) – Madaxweynaha dowlad goboleedka Jubbaland Axmed Maxamed Islaam ayaa Khamiistii maanta shir gudoomiyay kulanka golaha wasiirada oo lagaga hadlay qodobo kala duwan.
Wasaarada amniga ayaa laga dhagaystay warbixin la xiriirta xaalada guud ee amniga iyo howlgalo ay hay’adaha amaanku wadeen maalmahii lasoo dhaafay kuwaas oo lagu soo qabtay Xubno katirsan Al-Shabaab, kuwaas oo waday falal lid ku ah amaanka.
Wasaarada gargaarka iyo maaraynta musiibooyinka ayaa ka warbixisay xaalada abaaraha iyo dadaalada ay Wasaarada oo kaashanaysa dhinacyada kala duwan ka wado meelaha Sida daran abaartu ay u saamaysay.
Sidoo kale Wasaarada Caafimaafka ayaa ka warbixisay xaalada xanuunka Covid19 oo Wali ka jira deegaanada Jubbaland isla markaana uu aad u hooseeyo baraaruga bulshada.
Ugu dambeyn, wasaarada Waxbarashada ayaa ka warbixisay imtaxanaadka dugsiyada Sare ee Jubaland oo dhawaan lasoo gaba gabeeyay iyo shaqooyinka ahmiyada leh ee wasaaradu ay ku xoojinayso Waxbarashada iyo barbaarinta da’yarta Jubaland.
Xafiiska Wararka Halqaran.com
Halqarannews@gmail.com
