Haiti (Halqaran.com) – Golaha amaanka ee Qaramada Midoobay ayaa si adag u cambaareeyay dilkii loo geystay madaxweynihii dalka Haiti Jovenel Moise.
Golaha Ammaanka ayaa ku baaqay in si deg deg ah loo hor keeno caddaaladda shakhsiyaadkii ka dambeeyay falkaas.
Sidoo kale, Golaha ayaa ugu baaqay dhinacyada siyaasadda ee dalka Haiti inay ka fogaadaan rabshado cusub iyo inuu dalku galo qalalaaso .
Dhinaca kale, ciidamada ammaanka ee dalka Heyti ayaa dilay Afar ruux oo looga shakisam yahay in ay lug ku leeyihiin dilkii madaxweynihii dalkaasi.
Waxaa gacanta lagu dhigay laba kale, halka la tilmaamay in qaar kale oo baxsad ah ay ku dhuumaaleysanayaan magaalada caasimadda ah ee Port-au-Prince.
Taliyaha ciidamada Booliska ee Heyti Leon Charles ayaa sheegay in dadkii ka dambeeyay dilka madaxweynaha la dili doono ama la soo qaban doono.
Ugu dambeyn, Madaxweynihii dalka Haiti ee la dilay ayaa da’diisa aheyd 53 sano jir, waxaana haatan xaaskiisa lagu daaweynayaa Florida.
Xafiiska Wararka Halqaran.com
Halqarannews@gmail.com
