Hargeysa (Halqaran.com) – Guddoomiyaha Xibsiga mucaaradka ah ee UCID ee Somaliland Faysal Cali Waraabe, ayaa sheegay in uusan waxba ka jirin heshiis shalay magaalada Hargeysa ku dhexmaray Xisbiga Kulmiye iyo qaar ka mid ah xildhibaannada Golaha Wakiillada ee xisbiga UCID, taas oo ay isku afgarteen inay iska taageen doorashada guddoonka Golaha Wakiillada ee soo aaddan.
Mr Waraabe, ayaa waxa uu sheegay in xildhibaannada xisbigiisa ka tirsan ay hareer mareen xeerka iyo dastuurka xisbiga.
Sidoo kale, gudoomiye Faysal Cali Waraabe ayaa intaasi ku daray in guddoomiyaha oo kaliya uu xisbiga u gali karo heshiis, halka xildhibaannada heshiiska Kulmiye la galayna uu sheegay in cawaaqib adag la marsiin doono.
Waxay aheyd Sabtidii shaley markii uu heshiis dhexmaray xildhibaanno ka socday xisbiga UCID iyo xisbiga Kulmiye ee Somaliland.
Xafiiska Wararka Halqaran.com
Halqarannews@gmail.com
