Dowladda Soomaaliya oo shaacisay dalalka dadka ka imaanaya ee la karantiili doono (Akhri dalalkaasi)

Muqdisho (Halqaran.com) – Wasaaradda Caafimaadka iyo Daryeelka Bulshada Xukuumadda Federaalka Soomaaliya ayaa iyada oo tixraacaysa war-saxaafadeedkii ka soo baxay Wasaaradda Gaadiidka iyo Duulista Hawada ee Dowladda Federaalka Soomaaliya 21/03/2020 oo lagu fasaxayay diyaaradaha dalka soo galaya muddo 2 maalmood ah, Waxa ay sheegtay in ay gali doonaan karantiil muddo 14 beri ah oo ka billaabanaysa maalinta ay yimaadaan dhammaan Muwaadiniinta ka yimaadda dalalka kala ah.

1. Shiinaha
2. Yurub
3. Maraykanka
4. Koonfurta Kuuriya
5. Australia
6. Canada
7. Turkiga
8. Pakistan
9. Masar
10. Hindiya
11. Imaaradka Carabta
12. Malaysia
13. Sacuudiga
14. Koonfur Afrika

Dowladda Federaalka Soomaaliya ayaa Sabtidii maanta fasaxday duulimaadyadda caalamiga ah muddo labo maalmood ah si ay dalka u yimaadaan Muwaadiniinta Soomaaliyeed ee Caalamka ku xayiran.

Xafiiska Wararka Halqaran.com
Halqarannews@gmail.com