Muqdisho (Halqaran.com) – Taliyaha hoggaanka ilaalinta canshuuraha iyo dhaqaalaha ciidanka booliska Soomaaliyeed Janeraal Cabdullaahi Xasan Bariise oo Axaddii maanta shir Jaraa‘id qabtay ayaa waxa uu digniin u diray Ganacsatada Soomaliyeed.
Taliyaha ayaa ganacsatada uga digay in ay sara u qaadaan maciishada Quutul-daruuriga ah, iyaga oo ka faa‘iideeysanaya dadaalka loogu jiro ka hortaga cudurka Corona Virus ee COVID 19.
Sidoo kale, taliyaha hoggaanka ilaalinta cashuuraha iyo dhaqaalaha Ciidanka Booliska ayaa sheegay in tallaabo laga qaadi doono qofka qaadan waayo digniinta ay u direen.
Hadalka ka soo baxay Hoggaanka ilaalinta cashuuraha iyo dhaqaalaha Ciidanka Booliska Soomaaliyeed Ganaraal Cabdulaahi Xasan Bariise ayaa waxaa uu kusoo aadey xilli dad badan ay walwal ka qabeen in maciisha kala duwan qiimahooda ay Ganacsatada kordhinayaan inta lagu guda jiro ka hortaga Caabuqa Coronavirus.
Xafiiska Wararka Halqaran.com
Halqarannews@gmail.com
