Muqdisho (Halqaran.com) – Kulankii Xildhibaannada Golaha shacabka oo maanta arrimo xasaasi ah looga doodayay oo goor-dhow ka furmay xarunta Villa Hargeysa ee magaalada Muqdisho.
Kooramka Baarlamaanka ayaa maanta wuxuu ku furmay 178 Xildhibaan, waana tiro badan oo Xildhibaano ah marka loo fiiriyo Xildhibaanadii soo xaadiri jiray kulamadii ugu dambeeyay ee Baarlamaanka.
Markii kulanka uu furmay ayaa durba waxaa bilowday buuq uu bilaabay Wasiirka Amniga Soomaaliya Maxamed Abuukar Islow Ducaale, iyadoo ay jiraan Wasiirro kale oo xarunta ku dhex buuqaya.
Waxaa jirta hadal hayn ku aadan in xubno Xildhibaanno ah ah diyaariyeen Mooshin ka dhan ah Ra’iisul wasaaraha Soomaaliya, inkastoo aanan la hubin arrintaasi, balse buuqa uu bilaabay Wasiir Islow ayaa muujinaayo shaki ah jiritaanka Mooshinkaasi.
Si kastaba, xildhibaanada Golaha shacabka ee BF Soomaaliya, ayaa maanta ka doodaya arrimaha Doorashooyinka dalka, lamana oga sida mowduucaasi si nabad ah xildhibaanada uga doodi doonaan.
Wixii warar ah ku soo kordha kala soco Halqaran.com
Xafiiska Wararka Halqaran.com
Halqarannews@gmail.com
