Awdal (Halqaran.com) – Hoggaamiya Jabhad kasoo horjeeda Xukuumadda Somaliland, Suldaan Abuubakar Cilmi Wabar oo howl gasha Gobolka Awdal ayaa Tallaadadii maanta bixiyey wareysi xasaasi ah oo arrimo dhowr ah uu kaga hadlay.
Suldaan Wabar ayaa sheegay in ugu horeyntii ay xukuumadda Somaliland aysan marnaba dhag jalaq u siinin tabashadoodii, taasina ay sii xoojisay dagaalka ka dhanka ah Xukuumada haysa talada Somaliland.
Sidoo kale, Suldaanka ayaa waxa uu sheegay in xukuumada Somaliland ay isku deyday in ay gacanta ku soo dhigto, isla markaana ay disho, balse ay u suurto gali weyday, waa sida uu ka dhawaajiyey.
Wuxuu kaloo xusay Suldaanka, in uusan marnaba waxba ka sugeyn hoggaamiyaha ugu sareeya Somaliland ee Muuse Biixi, maadama uu qarka u saaran yahay in uu kala dareeriyo beelihii Hargeysa, waa sida uu hadalka u dhigaye.
Haddaba Halka hoose ka daawo Muuqaalka Wareysi Xiiso leh:
Xafiiska Wararka Halqaran.com
Halqarannews@gmail.com
