Muqdisho (Halqaran.com) – Madaxweynaha JF Soomaaliya, Mudane Maxamed Cabdullaahi Farmaajo, ayaa caawa Qasriga Madaxtooyada ku qaabilay nin dhalinyaro ah oo Magaalada Hargeysa loogu xiray, dareys ka samaysan Calanka Somaliya.
Ciidamada Booliska Somaliland ayaa bishii May Cabdiraxmaan Maxamed Cali (Aar) ku xiray Magaalada Hargeysa, xilli uu xirnaa dareys lagu suntay Calanka Baluugga ee Soomaaliya.
Qoraal kooban oo lagu daabacay bogga Villa Soomaaliya ku leedahay Shabakadda Facebook ayaa waxaa lagu sheegay in Madaxweynaha Soomaaliya uu ninkaasi dhalinyarada ah guddoonsiiyay Astaanka Qaranka.
Qoraalka ayaa u qornaa sidatan:
Madaxweynaha JF Soomaaliya, Mudane Maxamed Cabdullaahi Maxamed ‘Farmaajo’ ayaa oo caan ku noqday jacaylka iyo qaddrinta Calanka Soomaaliyeed ku maamuusay guddoonsiinta astaanta Qaranka kaddib markii uu kulan dhiirrigelin ah kula qaatay Villa Soomaaliya.
Xafiiska Wararka Halqaran.com
Halqarannews@gmail.com
