Galgaduud (Halqaran.com) – Taliyaha Ciidamada Xoogga dalka Soomaaliya, Janeral Odawaa Yuusuf Raage ayaa Arbacada maanta ah booqdey furimaha hore ee Ciidamada Xoogga ay Ku leeyihiin Bariga Gobolka Galgaduud iyo fariisimaha cusub ee Abaabulka iyo Qorsheynta Howlgallada .
Jeneraal Odawaa goobihii uu booqdey oo jahooyin kala duwan kaga yaala Gobolka Galgaduud ayaa saldhig u ah Ciidamada Milatariga Soomaaliya ee ka howlgalla deegaannada Dowlad Goboleedka Galmudug.
Wuxuu taliyuhu Kormeeray fadhiyada Ciidanka iyo howlaha socda, isagoo saraakiisha raliska 21-aad ka dhageestay Qorsheynta Howlaha socda iyo Duruufaha Ku xeeran Ciidamada si taliska Guud ee Xoogga Dalka uu kaga jawaabo culeys kasta oo jira.
DF Soomaaliya, ayaa wada qorsheynta howlgallada Xorreynta Deegaanada Maleeshiyaadka Ururka Al-Shabaab ay ka joogaan Galmudug, Galgaduud iyo Mudug.
Xafiiska Wararka Halqaran.com
Halqarannews@gmail.com
