Sh/Hoose (Halqaran.com) – Ciidanka Xoogga Dalka Soomaaliyeed ayaa maleeshiyaadka Ururka Al-Shabaab kasoo Furtay Carruur ay tabarayaayeen, sidda lagu sheegay war kasoo baxay taliska Ciidanka.
Ururka 143-aad ee guutada 14 October ayaa howlgal ka dhan ah Al-Shabaab ka sameeyay saacadihii la soo dhaafay tuulooyin hoostaga deegaanka Bariire ee gobolka Shabeellaha hoose.
Tuulada Nuunaay oo hoostagta Bariire ayaa ciidanku si gaar ah howlgalka uga sameeyeen, waxaana howlgalka ciidanku ku dileen 16 xubnood oo ka tirsan Al-Shabaab, sida lagu xusay warka aksoo baxay taliska Ciidanka.
Taliyaha Ururka 143-aad ee guutada 14 October, Dhamme Axmed Xasan Siyaad ayaa sheegay in Caruurta gaareysa 40 oo Al-Shabaab ka soo qafaashay gobollada dalka qaarkood inay ka soo badbaadiyeen deegaankaas, isla markaana haatan ay ku jiraan gacanta ciidanka.
Sidoo kale, wuxuu intaasi raaciyay taliyaha in carruurtaasi loo diyaarinaayay qaraxyada iyo sidoo kale weerarada.
Xafiiska Wararka Halqaran.com
Halqarannews@gmail.com
