Muqdisho (Halqaran.com) – Golaha Ammaanka ee Qaramada Midoobay ayaa u codeeyay Khamiistii in loo cusbooneysiiyo howlgalka Midowga Afrika ee Soomaaliya (AMISOM) oo ah ciidan nabad ilaalin ah oo markii ugu horreysay la keenay dalka Soomaaliya sanadkii 2007-dii.
Sida lagu sheegay bayaan ay soo saartay UK xarunta Qaramada Midoobay, dhammaan xubnaha UN-ka waxay si aqlabiyad leh ku ansixiyeen in waqtiga loo kordhiyo howlgalka dalka.
“Howlgalka Midowga Afrika ee UN-ka u idmaday ee ku sugan Soomaaliya wuxuu ka shaqeynayaa sidii loo dhisi lahaa awoodda ay Soomaaliya u leedahay nabadeeda iyo horumarkiisa, ”ayaa lagu yiri barta Twitter-ka.
AMISOM waa hawlgal taageero oo nabadeed, iyadoo ku dhowaad 20,000 oo ciidamo ah ay ku sugan yihiin dalka Soomaaliya, kuwaasi oo ka kala socda dowladaha Kenya, Itoobiya, Uganda, Burundi iyo Jabuuti.
Xafiiska Wararka Halqaran.com
Halqarannews@gmail.com
