Muqdisho (Halqaran.com) – War ka soo baxay taliska ciidanka booliska Soomaaliyeed ayaa lagu sheegay in Mootada nooca Bajaajta aysan socon karin wixii ka dambeeya 12-ka habeennimo ee Saqdhexe (Lix Saac habeennimo).
Afhayeenka Booliska Soomaaliya Cabdifataax Aadan Xasan ayaa sheegay in arrintaan looga gol leeyahay in la xoojiyo howlgallada ay ciidamada ka wadaan magaalada Muqdisho, kaas oo ka dhan ah kooxaha Burcadda ah.
Cabdifataax Aadan Xasan oo Warbaahinta kula hadlay magaalada Muqdisho ayaa waxaa uu sheegay in uu geba-gabo yahay wajiga koowaad oo howlgalka loogu maga daray samakaab, kaas oo lagu soo qabtay kooxo burcad ah iyo kuwo waxyaabo maanka dooriya isticmaala.
Sidoo kale, Afhayeenka ayaa waxa uu sheegay in ciidamada Booliska Soomaaliya ay gacanta u hayaan Mootooyin Bajaaj dadka lagu dhici jiray iyo kuwa ka Ganacsan jiray waxyaabaha maanka dooriya oo laf dhabar u ahaa amnid arrada ka jirta Amniga Caasimadda Muqdisho.
Afhayeenka Booliska Soomaaliya Cabdifataax Aadan Xasan waxaa uu sheegay in Magaalada Muqdisho aan lagu arki karin Ciidamo hub ku dhex wata magaalada Muqdisho, marka laga reebo Ciidamada ka Shaqeeynaya sugida Amniga.
Xafiiska Wararka Halqaran.com
Halqarannews@gmail.com
