Washington (Halqaran.com) – Madaxweynaha dalka Mareykanka, Joe Biden ayaa sheegay in Gantaallada Javelin-ka ee Mareykanka uu siiyay Ukraine ay sameeyeen isbeddel dagaal oo dhab ah.
Biden ayaa sidoo kale qiray in dalkiisa uu qarash badan ku bixi doonto dagaalka ka socda dalka Ukraine.
Madaxweyaha Mareykanka Joe Biden ayaa khudbad uu ujeeday Congress-ka kaga codsaday meel-marinta dhaqaale dheeraad ah oo la gaarsiiyo Kiev, si looga hortago gabood-fallada uu Ruushka ka geeysanayo gudaha Ukraine.
Wuxuu Biden hoosta ka xariiqay, in taageeradii Washington ay u sahashay dadka reer Ukraine in ay sii wadaan dagaalka, sidoo kalana ay fashiliyaan qorshahii Ciidamada Ruushka.
Xafiiska Wararka Halqaran.com
Halqarannews@gmail.com
