Beledweyne (Halqaran.com) – Ciidanka booliska ee magaalada Beledweyne ee xarunta gobolka Hiiraan ayaa ku guuleystay inay soo badbaadiyaan canug yar oo laga afduubtay mid ka mid ah Xaafaddaha Magaalada.
Kooxda Afduubtay canuga yar ayaa waalidiinta dhalay soo weydiistay lacag madax furasho ah si ay ugu soo daayaan.
Guddoomiye ku-xigeenka maaliyada iyo siyaasada gobolka Hiiraan mudane Abuukar Cabdulahi Maadey ayaa kaga mahadceliyay laamaha amaanka Beledweyne oo gacanta kusoo dhigay canuga yar oo lagu aftuubtay xaafada howladaag, kadibna lacag madaxa furasha ah la soo weydiiyay waalidkii dhalay.
Sidoo kale, Abuukar Cabdullaahi Maadey ayaa sheegay in Ciidanka Booliska ay gacanta ku soo dhigeen kooxihii ka dambeeyay, islamarkaana baaritaanno deg-deg ah lagu sameyn doono.
Ugu dambeyn, Guddoomiye ku-xigeenka maaliyada iyo siyaasada gobolka Hiiraan ayaa booliska ku bogaadiyay sida ay durbadiiba falkaan kaga hortageen.
Xafiiska Wararka Halqaran.com
Halqarannews@gmail.com
