Muqdisho (Halqaran.com) – Dad carreysan oo ka soo horjeeda Askari ka tirsan Ciidamada dowladda Soomaaliya oo dad Shacab ah ku dilay magaalada Muqdisho, kadib markii Bandowga magaalada uu bilowday ayaa banaanbax ka bilaabay qaar ka mid ah Isgoysyada Muqdisho.
Dilka caawa dhacay ayaa loo geystay wiil ka mid ah dhalinyarada magaalada iyo dhaawaca qofka kale oo shacab ah. wuxuuna dilkaan ka dhacay isgoyska Jubba Muqdisho.
Dadweyne Careysan ayaa taayaro ku gubay inta dhaxeysa Isgoyska Jubba iyo dugsiga Bartamaha kadib markii ay sheegeen in Askariga uu si bareer ah u dilay dadka Shacabka.
Ciidanka Booliska ayaa hadda la tacaalaya joojinta Banaanbaxa, waxaana ay sheegeen in ay gacanta ku dhigeen Askarigii dilka geystay oo ku sugna barta koontaroolka ee Ciidamada Booliska ku hubiyaan gaadiidka.
Xafiiska Wararka Halqaran.com
Halqarannews@gmail.com
