Hargeysa (Halqaran.com) – Imtixaanka Shihaadiga Dugsiyadda Sare ee Somaliland ayaa Sabtida maanta si rasmi ah uga bilowday deegaanada Somaliland, sida ay shaacisay Wasaaradda Waxbarashada Somaliland.
Wasiirka Wasaaradda Waxbarashada iyo Sayniska Somaliland Axmed Maxamed Diiriye ayaa maanta si rasmi ah u daahfuray qaadista imtixaanka.
Wasaarada Waxbarashada ayaa sheegtay, in hal maalin ay dhammaan gali doonaan Ardayda toban-ka maado, sababo la xariira ka hortagga Cudurka safmareenka ah ee Coronavirus.
Tiro ku dhaw 11,000 kun oo arday ayaa saaka u fariistay imtixaanaadka dugsiyada sare ee Somaliland, iyadoona isla maanta la soo gabagabeynayo imtixaanka.
Wasaaradda waxbarashada ayaa xustay, in Imtixaanka Shahaadiga dugsiyada sare ee Somaliland uu si rasmi ah uga furmay laba boqol oo goobood.
Xafiiska Wararka Halqaran.com
Halqarannews@gmail.com
