Muqdisho (Halqaran.com) – Diyaaraddii ugu horreeysay oo ay leedahay shirkadda duulimaadyada Uganda Airlines ayaa maanta kasoo dagtay garoonka diyaaradaha caalamiga ah ee Aadan Cadde ee magaalada Muqdisho
Duulimaadkan ayaa bilaaw u ah duulimaadyo toos ah oo isku xiraya Muqdisho iyo Kampala. Xaflad lagu daahfuray duulimaadkan ayaa lagu qabtay garoonka diyaarada Aadan Cadde.
Uganda Airlines ayaa dib u habeyn ballaaran lagu sameeyay muddo 18 sano ah kaddib, iyada oo shirkadda ay bilaawday duulimaadyo ay ku tageyso dalalka gobolk
Dalka Yugaandha gaar ahaan magaalada Kampala waxaa ku nool dad Soomaaliyeed oo aad u badan, kuwaas oo mar walba daneeynaya in ay helaan duullimaad toos ah oo u fududeynaya in ay u soo safraan Muqdisho.
Shirkadda duullimaadyada Yugaandha ayaa noqonaysa shirkaddii ugu horreysay ee duullimaad toos ah ka samaysa Muqdisho iyo Entebbe.
Shirkadda ayaa sidoo kale hirgelinaysa duullimaadyo dhowr ah oo ay ku tagi doonto Nayroobi, Jubba iyo Daarusalaam.
Shirkadda ayaa sheegtay in qiimo dhimis ay ku sameeyeen tigidhada ay horseedday in shirkadda ay durbaba hesho macaamiil badan iyo suuq wanaagsan oo dhiirri gelinaya shaqadeeda.
Ugu dambeyn, maamulka shirkadda ayaa sidoo kale sheegay in markii ay go’aamiyeen bilaabidda shaqadan ay sidoo kale fududeyeen adeegyada ay macaamiishu u baahanyihiin iyaga oo garoomada iyo goobo kaleba ka hirgeliyay xafiisyo lagu iibiyo tigidhada shirkadda.
Xafiiska Halqaran.com, Muqdisho
Halqarannews@gmail.com
