Muqdisho (Halqaran.com) – Taliyaha cusub Ciidanka Nabad Ilaalinta Midowga Afrika, ayaa noqonaya General Diomede Ndegeya, kaddib markii uu xilkaasi kala wareegay Taliyihii hore ee Amisom, General Tigabu Yilma.
General Diomede Ndegeya oo u dhashay dalka Burundi ayaa xilka kala wareegay General Tigabu Yilma, oo u dhashay dalkaasi Itoobiya.
Munaasabadda xil wareejinta oo ka dhacday Xarunta Taliska Amisom ee Xalane ayuu xilkan kula wareegay Taliyaha cusub, xilli uu goobjoog ka ahaa Wakiilka Midowga Afrika ee Somaliya ahna Madaxa Hawlgalka Amisom, Amb. Francisco Caetano Madeira.
General Diomede Ndegeya ayaa saxiixay dokumentigii uu xilka kula wareegayay, halka General Tigabu Yilma uu isna saxiixay dokumentiga uu xilka ku wareejinayo.
Dalalka Midowga Afrika ee ciidamadu ka jooggaan Soomaaiya ayaa hoggaanka ciidamada waxaa marba qabta saraakiisha dalalkaasi.
Xafiiska Warark Halqaran.com
Halqarannews@gmail.com
