Muqdisho (Halqaran.com) – Warar hoose oo soo baxaya ayaa sheegaya in ciidamada AMISOM ay la wareegeen ammaanka goobta uu ka dhacayo shirka u dhexeeya dowladda federaalka Soomaaliya iyo dowladaha xubnaha ka ah.
Waxaa la sheegay in si buuxda ay AMISOM ula wareegtay ammaanka shirka, waxaana shir goordhaweyd dhacay la isku afgartay in ciidamada madaxda oo ay ku jiraan kuwa federaalka, gaadiidka dagaalka iyo ciidamada looga reebi doono albaabka laga galo garoonka Aadan Cadde.
Shirka u dhexeeya dowladda dhexe iyo dowlad goboleedyada ayaa la filayaa in maanta uu furmo, waxaana magaalada Muqdisho ku sugan dhammaan madaxda maamul goboleedyada, kuwaas oo ka qeyb geli doona shirka.
Xafiiska wararka Halqaran.com
Halqarannews@gmail.com
