Kuwait (Halqaran.com) – Amiirka dalka Kuwait ee muddada dheer xukumayey dalkaasi, Sheikh Sabah Al Ahmad Al Sabah, ayaa Talaadadii maanta geeriyooday, wuxuuna jiray 91 sano, sida uu baahisay taleefishinka dowladda.
Sheikh Sabah ayaa waxaa laguu xusuusan doonaa diblomaasiyaddiisa siyaasadda Bariga Dhexe ee uu isku dayey inuu ku xaliyo khilaafka u dhaxeeya Qatar iyo dowladdo kale oo Carbeed, oo ay ka mid yihiin Sacuudiga iyo Imaaraadka.
“Ayada oo murugo weyn ay tahay, waxaan la tiraanyooneynaa dhimashada Sheikh Sabah Al-Ahmad Al-Jaber Al-Sabah, amiirkii dalka Kuwait,” waxaa sidaas yiri Sheikh Ali Jarrah Al-Sabah, oo ah wasiirka arrimaha boqortooyada, oo la hadlay taleefishinka dowladda.
Amiirka dalka Kuwait ayaa waxaa lagu wadaa inuu beddelo walaakiis, ahna dhaxal-sugaha Sheikh Nawaf Al Ahmad Al Sabah.
Sheikh Sabah ayaa ahaa 91 sano ah jir. Waxaa la keenay dalka Maraykanka gaar ahaan magaalada Rochester ee gobolka Minnesota bishii July kadib markii mas’uuliyiinta dalkaasi ay sheegeen inuu xanunsanayo.
Amiirka dalka Kuwait ka hor ita uusan noqonin Amiirka ayaa waxa uu ahaa Wasiirka Arrimaha Dibedda ee dalkaasi muddo ka badan 40 sano.
Xafiiska Wararka Halqaran.com
Halqarannews@gmail.com
