Gaarisa (Halqaran.com) – Wararka naga soo gaaraya magaalada Gaarisa ee xarunta gobolka Waqooyi Bari ee Kenya ayaa sheegay in 3 qof oo looga shakisan yahay Al-Shabaab ay ku geeriyoodeen, 4 kalena ay ku dhaawacmeen, kaddib qarax ay dhulka ku aasayeen oo iyaga ku qarxay.
Laamaha ammaanka Kenya oo war ka soo saaray dhacdadan ayaa xaqiijiyay geerida 3 qof xilli ay qarax aasayeen, waxaana intaasi ay ku dareen in 4 qof oo dhaawacyo ay soo gaareen.
Booliska ayaa heley xog ku saabsan in 4-ta qof ee dhaawacantahay durba lagu qaaday gaari nuuca Toyota Hilux ah, islamarkaana ay qaadeen dad kale oo aan booliska ahayn, ayna la baxsadeen.
Hay’adaha ammaanka dalka Kenya ayaa sheegay in maleeshiyada Al-Shabaab ay kordhiyeen muddooyinkii ugu dambeeyay miinooyinka ay dhulka ku aasayaan, gaar ahaan hareeraha waddooyinka, taasi oo ciidamadu ay feejignaan ka muujinayaan.
Ugu damebyn, Kenya ayaa sheegtay in Ilaa 20 qof ay ku geeriyootay weerarro kala duwan oo Al-Shabaab ay ka geysteen qeybo ka mid ah gobolka Waqooyi Bari, inta u dhaxeysay bilihii Janaayo iyo Febraayo ee sanadkan.
Xafiiska Wararka Halqaran.com
Halqarannews@gmail.com
