Muqdisho (Halqaran.com) – Kooxo hubeysan ayaa maanta ku toogtay degmada Yaaqshiid ee gobolka Banaadir, Nabadoon ka mid ah Odayaasha degmadaasi.
Allaha u naxariistee Nabadoon Cabdiraxmaan Axmed Cabdulle (Qaloosh) ayaa lagu dilay bartamaha Suuq Bacaad, xilli uu halkaasi maraayay.
Kooxda dilka gaysatay oo bistoolado ku hubeysnaa ayaa Nabadoonka waxa ay la dhaceen dhawr xabo oo rasaas ah, kadibna durba goobta isaga cararay.
Nabadoon Cabdiraxmaan Axmed Cabdulle ayaa ka mid ahaay Odayaasha dhaqanka Degmada Yaaqshiid, waxaana la sheegay in maalmahan uu ku maqnaa Magaalada Jowhar.
Ilaa iyo hadda lama oga sababta keentay in kooxo hubeysan ay beegsadaan Nabadoonka oo Degmada Yaaqshiid si weyn looga yaqiinay.
Wax war ah kama soo bixin maamulka degmada Yaaqshiid oo ku aadan dilka nabaddoonkaasi, iyadoona jirin cid loo qabtay dilkiisa.
Xafiiska Halqaran.com, Muqdisho
Halqarannews@gmail.com
