Nairobi (HalQaran.com) – Magaalada Nairobi ee dalka kenya, waxaa Isniinta maanta ah ka furmay shirka hannaanka deyn-cafinta Soomaaliya, kaas oo socon doona muddo Afar maalmood ah.
Shirkan ayaa waxaa goobjoog ahaa qaar ka mid ah hay’adaha Dowladda Soomaaliya oo ay hoggaamineyso Wasaaradda Maaliyadda iyo IMF/Bangiga Adduunka.
Sidoo kale, shirkaan ayaa inta uu socdo waxaa diirradda lagu saarayaa horumarinta soo saarka Dakhliga gudaha, hirgalinta nidaamka maamulka maaliyadda guud iyo dib-u-habeynta kaabayaasha dhaqaalaha dalka.
Wasiirka Maaliyadda Soomaaliya Mudane Dr. Elmi Mahamoud Nur, ayaa sheegay in ay qaadayaan talaabo Dowladeed oo loo dhan yahay si loogu guuleysto fulinta qorshayaasha horumarineed ee dib-u-habeynta Maaliyadda Soomaaliya iyo dhameystirka Barnaamijka Deyn Cafinta Soomaaliya.
Xafiiska Wararka Halqaran.com
Halqarannews@gmail.com
