Gaalkacyo (Halqaran.com) – Dowladda Federaalka ah ee Soomaaliya ayaa Ciidamo farbadan waxaa ay ku daabushay magaalada Gaalkacyo ee Xarunta Gobolka Mudug, kuwaasi oo ku biiri Cutubyo ka tirsan Ciidanka Xoogga oo ku sugan halkaasi.
Ciidamadan oo ka baxay magaalada Muqdisho ee Caasimadda Soomaaliya ayaa waxaa Galkacyo ay ku tageen safar dhinac dhulka ah, waxaana la shaaciyay in ay qayb ka noqon doonaan dagaalka ka dhanka ah dagaalamayaasha Al-Shabaab ee ka socda Gobolka Mudug.
Ciidanka gaaray magaalada Gaalkacyo ayaa waxaa u dhammeystiran Saanaddooda dagaal, waxaana halkaasi ay kula biireen Ciidankii horay ugu sugnaa Gaalkacyo.
Si kastaba, deegaanada Maamulka Galmduug ayaa waxaa dhawaanahaan ka socday dagaallo u dhexeeya Al-Shabaab iyo Ciidanka Dowladda iyo kuwa degaanka oo isku dhinac ah, waxaana qaybo ka mid ah Gobolada Galgaduud iyo Mudug ka dhacay dagaallo Culus oo u dhexeeya labada dhinac.
Xafiiska Wararka Halqaran.com
Halqarannews@gmail.com
