Muqdisho (Halqaran.com) – Wasiirka Gaashaandhiga Soomaaliya iyo Taliyaha xoogga dalka ayaa booqday degmada Aadan yabaal oo ka mid ah degmooyinka ugu muhiimsan ee laga xorreeyay Ururka Al-Shabaab.
Wasiirka iyo Taliyaha oo ay weheliyaan xildhibaanno ka tirsan Baarlamaanka Soomaaliya ayaa socod ku soo maray goobaha ay joogaan ciidamada qalabka sida iyo kuwa dib u xorreynta deegaanka, isagoo uga mahadceliyay guulaha muhiimka ah oo ay ka gaareen dagaalka Argagixisada.
Wasiirka ayaa sheegay inaan laga hari doonin firxadka kooxda arxanka daran ee Al-Shabaab oo halkaan sanado badan ku dhibaateynayey shacabka deegaanka.
Taliyaha ciidanka xoogga dalka Jeneraal Odowaa Yuusuf Raage ayaa dhankiisa sheegay in jab xooggan Khawaarijta lagu gaarsiiyay dagaalka ka socda dalka, isla markaana aan laga hari doonin meel kastoo ay gabaad ka dhigtaana looga dabagali doono.
Dowladda Soomaaliya ayaa guulo waaweyn ka gaartay dagaalka lagula jiro Ururka Al-Shabaab ee uu iclmaaiyay Madaxweeynaha JF Soomaaliya Xasan Sheekh Maxamuud.
Xafiiska Wararka Halqaran.com
Halqarannews@gmail.com
