Kismaayo (Halqaran.com) – Wasiirkii Wasaaradda Arrimaha gudaha dowlad Goboleedka Jubbaland ,Jeneraal Maxamed Warsame Darwiish ayaa la xaqiijiyey inuu Sabtidii maanta ku geeriyooday dalka Jarmalka oo uu muddooyinkii la soo dhaafay uu ku sugnaa.
Wararka ayaa sheegaya, in Wasiir Maxamed Darwiish uu u geeriyooday xanuun haayay, isagoo maalmihii dambe xaaladdiisa Caafimaad lagula tacaalayey Isbitaal ku yaalla dalka Jarmalka oo uu maanta ugu dhintay xanuunkii haayey.
Mas’uuliyiin ka tirsan Maamulka Jubbaland iyo ehellada Marxuum Maxamed Warsame Darwiish ayaa xaqiijiyey geerida ku timid Allaha u naxariistee Wasiirkii Wasaaradda Arrimaha gudaha dowlad Goboleedka Jubbaland.
Madaxda Maamulka Jubbaland iyo kuwa Dowladda Federaalka Soomaaliya ayaa tacsi u diraya qoyska, ehelada iyo shacabka Soomaaliyeed ee uu ka baxay Maxamed Darwiish.
Xafiiska Wararka Halqaran.com
Halqarannews@gmail.com
