Muqdisho (Halqaran.com) – Wararka naga soo gaaraya hoolka teendhada Afisyooni ee magaalada Muqdisho ayaa sheegaya, in xildhibaanno loo diiday inay gudaha u galaan hoolkaasi oo maanta la qorsheynaya in lagu qabto doorashada guddoomiyaha golaha shacabka iyo ku-xigeennadiisa.
Xildhibaan Maxamuud Cabdiraxmaan Beenebeene oo ka tirsan Golaha Shacabka ayaa sheegay in Ciidamo Boolis ah ay Xildhibaannada u diideen inay tagaan Goobta doorashada ee Teendhada Afisiyooni.
War qoraal ah uu Xldhibaanku soo dhigay Bartiisa Facebook ayuu ku sheegay in Mas‘uuliyad daradii dalkeenna hoggaan kiisa haysatay shantii sano ee lasoo dhaafay ay khaatumadeedii ku sii guda jiraan, waa sida uu hadalka u dhigay Xildhibaan Beenebeene.
Marka laga soo tago qoraalka Xildhibaan Maxamuud Cabdiraxmaan Beenebeene oo ka tirsan Golaha Shacabka ayaa waxaa jira Xildhibaanno uu kamid yahay Maxamed Abuukar Jacfar oo gaaray goor sii horeysay Teendhada Afisiyooni.
Xafiiska Wararka Halqaran.com
Halqarannews@gmail.com
