Norway (Halqaran.com) – Hooyo iyo wiilkeeda oo ku wada lugeynayay xeeb ku taalla Norway ayaa soo bandhigay dhalo ay ku jirto farriin taas oo soo socdaashay in ka badan 1,000 mayl.
Ida Hodnebo oo 36 jir ah, waxay sheegtay iyadoo la socota wiilkeeda Tallak oo 7 jir ah inay xeebta Jomfruland ka heshay dhalo dhexdeeda ay ku jirto warqad siddeed bil biyaha dul sabbeynaysay.
Sida la fahmay warqaddaan waxaa qortay gabar lagu magacaabo Lilly Carter oo ku nool waddanka Ingiriiska iyadoo warqaddaan ay ku riday badda.
Arrinta la yaabka leh ayaa ah in muddadaas dheer oo ay dhaladaan badda ku jirtay aysan jebin, ama aysan quusin, iyo inay labo dal isaga gudubtay.
Xafiiska wararka Halqaran.com
Halqarannews@gmail.com
