Muqdisho (Halqaran.com) – Wasiirka Wasaaradda Warfaafinta ee Xukuumadda Federaalka ah ee Soomaaliya Mudane Cismaan Dubbe ayaa weerar Afka ah ku qaaday musharraxiinta Madaxweynaha Soomaaliya, isagoona u diray digniin.
Wasiir Dubbe oo ka hadlayay kulan ka dhacay magaalada Muqdisho ayaa sheegay in musharraxiinta Madaxweynaha Soomaaliya ee maalmahaan ku shirayay Muqdisho gaar ahaan Madaxweynayaal hore ujeedkooda uu yahay xarako iyo Ciyaar Ciyaar sida uu hadalka u dhigay, isagoona uga digay inay dalka fowdo geliyaan.
”Nin weyn oo darajooyinkii dalka ugu sarreeyay soo qabtay oo leh anoo suuqa jooga ayaan guddi magacaabayaa, miyaanay ahayn Xarako iyo layaab”. ayuu yiri wasiirka warfaafinta ee XFS Cismaan Dubbe.
Wasiirka wasaaradda warfaafinta ee Soomaaliya, ayaa hadalkiisa sii xoojinaya khilaafka ka dhashay dhinaca Guddiyada doorashooyinka qaranka ee u dhaxeeya Madaxda DF iyo Musharraxiinta Madaxweynaha.
Xafiiska Wararka Halqaran.com
Halqarannews@gmail.com
