Garoowe (Halqaran.com) – Xildhibaannadii xasaanada laga qaaday ee dowlad goboleedka Puntland ayaa xalay shir jaraa’id oo ay Garoowe ku qabteen waxa ay ku beeniyeen in xasaanad iyo xilkii xildhibaannimo laga qaaday, waxaana ay sheegeen in wali ay ka tirsan yihiin Baarlamaanka Puntland.
Xildhibaannada ayaa xusay in sharciga ku garnaqsanayaan, sidoo kalena ay tagayaan xarunta Baarlamanka si ay u ilaaliyaan sharciga iyo xeer hoosaadka Baarlamaanka Puntland oo shaqsiyaad aysan gacmaha ku qaadan karin.
Waxayna Shacabka reer Puntland ugu baaqeen in ay is dejiyaan, islamarkaasna ilaaliyaan midnimada iyo Amniga dowladda Puntland.
Xildhibaannada hadlay ayaa waxay kala yihiin; Cabdi Jamaal Cismaan Maxamed, Saleebaan Faarax Ciise, Cabdiqani Abshir Jaamac ( Surato), Muuse Siciid Xassan (Jajabsay) , Maxamuud Maxamed Barre, Cabdicasiis Siciid Maxamuud (Baduugaaye) iyo Maxamuud Axmed Caalin.
Xafiiska Wararka Halqaran.com
Halqarannews@gmail.com
