SPORT (Halqaran.com) – Xiddigii kubadda cagta ee dalka Argentina Diego Maradona ayaa maanta geeriyooday kadib markii wadanaha uu istaagay, sida uu sheegay qareenkiisa.
Maradona oo 60 jir ahaa, ayaa dhowaanahan xaaladdiisa caafimaad ay liidatay, ayada oo qalliin looga sameeyey maskaxda, dhowr toddobaad ka hor.
Diego Maradona ayaa waxaa uu ahaa mid ka mid ah ciyaartooyda ugu wanaagsan ee caalamka soo marta sanadihii sideetameyadii.
Maradona shaqsi ahaan waxaa lagu tilmaamay in uu gacan wayn ka geystay guusha uu dalkiisa gaaray.
Xiddigii kubadda cagta ee dalka Argentina Diego Maradona intii uu xirfadda ku jiray waxaa uu sidoo kale u dheelay kooxaha Barcelona iyo Napoli.
Diego Maradona ayaa Argentina kula guuleystay koobka kubadda cagta adduunka ee 1986-kii, markaasi oo cayaartii ugu dambeysay ay kaga adkaadeen Germany.
Xafiiska Wararka Halqaran.com
Halqarannews@gmail.com
