Muqdisho (Halqaran.com) – Waxaa faah-faahin ka soo baxaya qaraxa jugtiisa laga maqlay qaar ka mid ah degmooyinka gobolka Banaadir, wuxuuna qaraxaasi ka dhacay bannaanka hore ee maqaayadda Blue Sky.
Halka uu qaraxa ka dhacay ayaa waxaa ku yaalla bar Koontarool oo laga ilaaliyo madaxtooyada Villa Soomaaliya, una dhow Taalada Xaawo Taako.
Inta la xaqiijiyay 3 ruux ayaa ku dhintay qaraxaasi oo ahaa qof naftiis haliga ah oo waxyaabaha qarxa isku soo xiray, iyadoona ay ku dhaawacmeen tiro kale.
Wararka ayaa sheegaya, in dadka qaraxaasi ku dhintay uu ka mid ahaa Ilmo yar oo Caseeye ah oo illaa iyo hadd aan la aqoonsan meydkiisa, sida uu sheegay afhayeenka wasaaradda warfaafinta, Mudane Ismaaciil Orange.
Waxaa hadda kacsan xaaladda goobta uu qaraxa ka dhacay, waxana goobta howlgallo baaritaan ah kawada ciidamada dowladda, lama oga in dad loo qabtay qaraxaasi iyo in kale.
Xafiiska Wararka Halqaran.com
Halqarannews@gmail.com
