Muqdisho (Halqaran.com) – Guddoomiyaha gobolka Banaadir ahna duqa magaalada Muqdisho, Cumar Maxamud Maxamed (Cumar Filish) ayaa isbeddal ku sameeyay qaar kamid ah guddoomiyeyaasha degmooyinka Muqdisho.
Guddoomiyihii hore ee degmada Xamar Jajab, Guhaad Sheekh Xasan ayaa loo magacaabay Guddoomiyaha cusub ee degmada Dharkeenley.
Xoghayihii degmada Dharkeenley, Mudane Maxamed Suudi ayaa loo magacaabay Guddoomiyaha cusub ee Degmada Xamar Jajab.
Sidoo kale, guddoomiyaha cusub ee degmada Shibis ayaa loo magacaabay Cali Axmed Cabdulle.
Maalmaha soo socda ayaa la filayaa in isbeddel lagu sameeyo qaar ka mid ah Guddoomiyeyaasha Degmooyinka Gobolka Banaadir.
Magacaabista uu maanta sameeyay Duqa Muqdisho, Cumar Filish ayaa ka taagan dood, lamana oga sida dooda taagan xal loogu heli doono.
Xafiiska Wararka Halqaran.com
Halqarannews@gmail.com
