Garoowe (Halqaran.com) – Madaxweynaha Dowlad Goboleedka Puntland, Mudane Saciid Cabdullaahi Deni, ayaa ka warbixiyay sababaha ka dambeeyay inay magaalada Garoowe kulan gaar ah ku yeeshaan, isaga iyo Madaxweynaha Maamulka Jubbaland, Mudane Axmed Maxamed Islaam (Axmed Madoobe)
Madaxweyne Saciid Deni ayaa sheeegay, in shirkaasi uu lahaa hal ujeedo oo ah sidii Madaxda Puntland iyo Jubbaland ay mowqif midaysan uga yeelan lahaayeen Xaaladda Siyaasadeed ee Soomaaliya, gaar ahaanna Arrimaha Doorashada 2020/2021.
Wuxuu kaloo xusay, in shirkii ay Magaalada Garoowe ku yeesheen isaga iyo Axmed Madoobe uu ku soo dhammaaday guul, islamarkaana ay soo wada saareen go’aano ay ku mideysan yihiin.
Ugu dambeyn, waxaa maalmaha soo socda la filayaa in Madaxweynayaasha maamullada Puntland iyo Jubbaland inay soo gaaraan Magaalada Muqdisho si madaxda Sare ee DFS ugala hadlaan arrimo la xiriira doorashooyinka.
Halka hoose ka daawo muuqaalka Madaxweynayaasha Puntland iyo Jubbaland:
Xafiiska Wararka Halqaran.com
Halqarannews@gmail.com
