Mudug (Halqaran.com) – Wararka ka imaanaya gobolka Mudug ayaa tibaaxaya, in galabta uu halkaasi dhacay iska horimaad hubeysan oo dhexmaray maleeshiyo beeleedyo ka soo wada jeeda Puntland.
Dagaalkan ayaa waxa uu ka dhacay deegaanka Barwaaqo oo ku dhaw deeganka Beyra ee gobolka Mudug.
Wararka ay helayso warbaahinta Halqaran.com, ayaa sheegaya, in dagaalkaasi uu ka dhashay khasaare dhimasho iyo dhaawac.
Iska horimaadkan ayaa waxaa ku dhintay Hal qof, halka Saddex kalena ay ku dhaawacmeen, kuwaasi oo ahaa maleeshiyaadkii dagaallamay, sida ay xaqiijiyeen dadka deegaanka.
Wararka ayaa intaasi ku daraya, in dagaalkan cusub uu sababay, dil maanta nabaddoon caan ah loogu geystay magaalada Bursaalax ee gobolka Mudug, iyadoona maleeshiyaad ka carooday dilkaasi ay weerar khasaare geystay ay ku qaadeen deegaanka Barwaaqo.
Dagaalkan ayaa noqonaya kii labaad oo bilo gudaheed uu ka dhaco deegaanka Barwaaqo ee ku dhow deegaanka Beyra ee gobolka Mudug.
Xafiiska Wararka Halqaran.com
Halqarannews@gmail.com
