Dhuusamareeb (Halqaran.com) – Mas’uuliyiin ka socota xafiiska Ra’iisul Wasaaraha iyo xubno ka tirsan guddiga qaran ee ka hortagga Cudurka Coronavirus (COVID-19) ayaa Khamiistii maanta agab caafimaad geeyay magaalada Dhuusamareeb ee Xarunta Maamulka Galmudug.
Agabkan ayaa loo adeegsan doonaa sidii loo xakameyn lahaa safmarka Covid-19, waana maamulkii sadexaad oo agabkan la gaarsiiyo.
Maamulada Koofur Galbeed iyo Hirshabeele ayaa horey loogu wareejiyay agabkan ka yimid dowladda federaalka Soomaaliya oo loogu talagalay in lagula tacaalo Cudurka COVID-19.
Ra’iisul Wasaaraha XF Soomaaliya, Mudane Xasan Cali Khayre ayaa amray in dhammaan maamul goboleedyada iyo gobolka Banaadir dowladdu gaarsiiso agab iyo maaliyad loo adeegsado ka hor tagga safmarka Coronovirus.
Sidoo kale, waxaa dhawaan la gaarsiin doonaa Maamulada Puntland iyo Jubbaland.
Xafiiska Wararka Halqaran.com
Halqarannews@gmail.com
