South Afrika (Halqaran.com) – Wararka naga soo gaaraya dalka Koonfur Afrika ayaa sheegaya, in muwaadin Soomaaliyeed lagu dilay tuulo ka tirsan waddankaasi.
Muddooyinkaan dambe dhibaatada loo gaysto Soomaalida Koonfur Afrika ayaa yaraaday, balse xalay ayaa lagu soo waramayaa tuulo u dhaw Magaalada Cape town in lagu dilay muwaadinkaan Somaliyed.
Kooxda dilka u gaysatay muwaadinkaan Soomaaliyeed ayaa weerartay isaga oo ku sugan goobtiisa ganacsiga, waxaana halkaasi ay ka gaysteen falka dilka ah iyo dhac hantiyadeed.
Muwaadinka la dilay ayaa dadka Soomaalida ee halkaasi jooga waxa ay ku sheegeen magaciisa Cabdifitaax Cumar Aadan.
Booliska iyo ganacsato Soomaali ah ayaa mar dambe ka soo qaaday goobta dilka uu ka dhacay maydka Marxuumka oo lagu wado in maanta la aaso.
Burcadda Koonfur Afrikaanka ah ee dilalka u gaysta muwaadiniinta Soomaaliyed ayaanan inta badan gacanta lagu soo dhigin.
Xafiiska Wararka Halqaran.com
Halqarannews@gmail.com
