Muqdisho (Halqaran.com) – Madaxweynaha JF Soomaaliya, Mudane Maxamed Cabdullaahi Farmaajo iyo Madaxweynaha Kenya Mudane Uhuru Kenyatta oo khadka telefoonka ku wada hadlay ayaa isla gartay ahmiyadda ay leedahay in si wadajir ah labada dal ay uga shaqeeyaan sugidda nabadgalyada xuduudaha iyo guud ahaan xasilloonida gobolka.
Farmaajo iyo Uhuru Kenyatta ayaa adkeeyay in amniga labada dal uu yahay mid isku xiran, loona baahan yahay in laga fogaado wax walba oo keeni kara isfaham darro.
Sidoo kale, labada Madaxweyne ayaa isku afgartay in sida ugu dhakhsiyaha badan ay u wada fariistaan guddiyo ka socda Soomaaliya iyo Kenya kuwaas oo ka shaqaynaya sidii loo xoojin lahaa xiriirka diblomaasiyadeed iyo kan ganacsi ee labada dad iyo dal ka dhexeeya.
Wada hadalkaan Khadka Taleefoonka labada Madaxweyne, ayaa ku soo aadaya, iyadoo Kenya shalay Somaliya ay ku eedeysay inay ku xadgudubtay dhulkeeda, islamarkaana arrintaasi si adag uga hadashay.
Xafiiska Wararka Halqaran.com
Halqarannews@gmail.com
