Istanbul (Halqaran.com) – War-murtiyeed ka soo baxay Shir muddo shan maalmood ah uga socday dalka Turkiga, ayay xisbiyadaasi ka sheegeen in ay ku midoobeen hal xisbi, islamarkaana ay doorashada Soomaaliya ee 2021-ka ay soo sharrixi doonaan hal musharrax oo keliya.
Madasha ku midoobay halka xisbi ayaa kala ah xisbiga UDP, Xisbiga Himilo Qaran, Xisbiga Kulan, Xisbiga Horusocod, Xisbiga Ilays iyo Xisbiga Nabadda.
Madasha ayaa hawshaasi u saaray guddi kuwaas oo ka shaqeyn doona sidii loo hirgelin lahaa midaynta Xisbiyadaas oo hal xisbi looga dhigi lahaa.
Madasha waxa kale oo ay sheegeen inay ka xun yihiin Ciidamada Xoogga dalka Soomaaliya in loo adeegsado Burburinta dowlad Goboledyada dalka ka jira, islamarkaana la weeraro Dhuusamareeb iyo Gobolka Gedo gaar ahaan Magaalada Beled Xaawo.
Halka hoose ka akhriso war-murtiyeedka:
Xafiiska Wararka Halqaran.com
Halqarannews@gmail.com
