Turkey (Halqaran.com) – Bas rakaab ah ayaa ku rogmaday galbeedka Turkiga subaxnimadii hore ee Axadda, waxaana ku dhintay ugu yaraan 14 ruux, halka 18 kalana ay ku dhaawacmeen, sida ay sheegeen kooxaha gurmadka degdegga ah.
Baska ayaa ka baxay xadka la koontarooli karo, wuxuuna ku rogmaday wadada weyn ee Balikesir, isagoo ku sii jeeday Edremit oo ku taal galbeedka gobolka Balikesir.
Rakaabkii ku dhaawacmay ayaa loo qaaday goobo caafimaad oo u dhow halka uu shilka ka dhacay.
Shilalka gaadiidka ayaa galaaftay boqolaal qof sanad walba guud ahaan dalka Turkiga, iyadoo Guud ahaan dalka, 4,866 qof ayaa ku dhintay shilalka gaadiidka sannadkii hore halka 226,266 qof oo kale ay soo gaareen dhaawacyo, sida laga soo xigtay tirooyinka Machadka Tirakoobka Turkiga (TurkStat).
Saddex meelood oo meel shilalka ayaa ka yimaada darawalada oo ka sarreeya xadka xawaaraha.
Dawladdu waxay raadineysaa inay yareyso tirada shilalka, iyadoo leh dhowr tallaabo.
Xafiiska Wararka Halqaran.com
Halqarannews@gmail.com
