Boosaaso (Halqaran.com) – Madaxweynaha maamulka Puntland, Mudane Saciid Cabdullaahi Dani oo ku sugan Magalada Boosaaso ee Gobolka Bari ayaa la filayaa in khamiista maanta ah in golihiisa Wasiiradda dhammaantood uu la qaato kulan xasaasi ah, sida ay xaqiijisay Madaxtooyadda Puntland.
Wararka ayaa waxaa ay sheegayaan in shirkaasi looga hadli doono qodobo ay ka mid yihiin, arrimaha Shirka Caalamka iyo Soomaaliya ee Arbacadii shalay lagu soo gabagabeeyay Caasimadda Muqdisho iyo khilaafka xoogeystay ee kala dhaxeeya Dowladda Federaalka Soomaaliya.
Madaxweynaha Puntland, Deni ayaa horay u diiday ka qeyb galka Shirka, islamarkaana qaadacay, waxaana lagu waddaa in Puntland ay ku dhawaaqdo Maanta go’aamo cusub oo ka dhan ah DF Soomaaliya.
→ Sii Akhri Wararka Kale ee Maanta:⇓
- WAR CUSUB: Axmed Madoobe oo Jawaab adag ka bixiyay Natiijadii ka soo baxday Shirkii Iskaashiga ee Muqdisho
- Nabaddoon caan ahaa oo dhaawac Kismaayo ugu geeriyooday, ”Jubbaland ayaa shir-qooshay”
- XOG XASAASI: ‚‘‘Wixii Ilmo Sheekh Kulmiyay lama dhayalsan karo, loomana gafi-karo‘‘ waxa yiri..
Mr. Deni ayaa horay u sheegay iney diyaar u yihiin wada hadal ay la galaan Dowladda Federaalka si loo xaliyo tabashada jira, islamarkaana hal wax loo jiheeyo.
Ugu dambeyn, Maamulka Jubbaland ayaa sidoo kale qaadacday shirkii lagu soo gabagabeeyay magaalada Muqdisho.
Xafiiska Wararka Halqaran.com
Halqarannews@gmail.com
