Muqdisho (Halqaran.com) – Waxaa sabtidii maanta Isbitaalka Yardimeli ee magaalada Muqdisho ku geeriyooday Allaha u naxariisto mid ka mid ah xildhibaannada golaha shacabka ee baarlamaanka Soomaaliya.
Xildhibaanka geeriyooday ayaa lagu magacaabi jiray, Aadan Xasan Cali (Aadan Moobleen), wuxuuna muddooyinkii dambe la xanuunsanayay kilyaha.
Isbitaalka Digfeer ayaa laba habeen ka hor Xildhibaanka looga soo qaaday Mashiinka Kilyaha sifeeye oo loogu geeyay Isbitaalka Yardimeli ee Muqdisho, halkaasi oo Xildhibaanka uu ku jiray.
Qaar ka mid ah Xildhibaanada Golaha Shacabka Soomaaliya ayaa tacsi u diray qoyska iyo qaraabada uu ka baxay Marxuumka, waxaana Alle ay uga baryeen inuu janadii fardowso ka waraabiyo.
Isla maanta ayaa sida qorshaha uu yahay Aas loogu sameynayaa Muqdisho Marxuum Xildhibaan Aadan Xasan Cali, sida Xildhibaano ka tirsan Golaha Shacabka Soomaaliya ay sheegeen.
Xafiiska Wararka Halqaran.com
Halqarannews@gmail.com
